Pesah
I canti e le musiche dei riti  della Settimana Santa in Sicilia "In Sicilia il passato non è morto, ma ci accompagna e si manifesta  presso  la culla e la bara, nelle feste e nei giochi, negli spettacoli e in chiesa, nei riti e nelle tradizioni. Dappertutto insomma vive e parla." Giuseppe Pitrè Le Ladate e i Lamenti sono canti popolari di argomento religioso; di autore anonimo,  essi narrano le vicende della passione e della morte in croce di Cristo. Nel corso dei riti della Settimana Santa vengono ancora oggi eseguiti in molti  paesi della Sicilia. L'origine di questi canti è antica; talvolta è la rivisitazione di moduli musicali di ascendenza  pre-cnstiana. Sono dei rari esempi di canto popolare polivocale (il canto popolare siciliano antico è soprattutto monodico). Alla parte solista è affidata la narrazione vera e propria, mentre il coro rafforza generalmente il tonus finalis con delle voci disposto ad'accordo. Ritmicamente sono brani estremamente liberi poiché rispondono a pulsazioni metriche irregolari. Eccezion fatta per i canti processionali, accompagnati dalla banda musicale del luogo. I testi  evidenziano una particolare attenzione al dramma umano della Passione, più che al messaggio trascendentale del racconto evangelico [morte e resurrezione]. Al centro di tutto c'è il dolore  della Madre che emerge disperatamente in quasi tutti i lamenti con pochissime varianti: * La ricerca del figlio; * Il dialogo col fabbro che prepara i chiodi per la croce; * Il dialogo con l'apostolo Giovanni; * Il monologo con la croce. Alcuni testi fanno eccezione al dialetto poiché sono in un italiano volgare o addirittura in un latino sicilianizzato.
Il filmato di parte del concerto il 9 apr 2004 a Siracusa Le foto del concerto pag. 1 2 3 4 5 6 7
M i sono imbattuto in questi canti più per spinto di servizio che per libera scelta o per voglia: nei miei repertori di traditionals reinterpretati mancavano solo loro,I Lamenti.Ricordo che già il nome mi atterriva un po''...e poi l'argomento...troppo drammatico per i miei gusti. Ma tant'è! Dopotutto può capitare che ti richiedano proprio quei canti, proprio le lamentazioni, ed è bene non farsi trovare impreparato.E, un bei giorno, questo è capitato! Tra il materiale che ho visionato, quello che ho ascoltato e visto personalmente, devo confessare che all'inizio la materia sfuggiva al mio controllo di musicista ed interprete. Poi è come se i canti lentamente si fossero manifestati alla mia comprensione e al mio diletto. Più riuscivo a penetrarne lo spinto e il tessuto sonoro o più entravo in una dimensione musicale a me non nota: che però io sapevo di conoscere senza averla mai vissuta. Cominciavo ad essere letteralmente rapito dal fascino di questa musica. Ne ho abbozzato una scansione metrica rispettosa della "non quadratura" del documento originale, ed una armonizzazione, coinvolgendo solo in un secondo tempo il caro Luciano che s'è dovuto far carico della realizzazione del mio sogno: l'esecuzione per orchestra da camera e coro polifonico. I giovani del Privitera Ensemble (età media vent'anni) hanno fatto il resto. So già che qualche purista potrà dissentire su qualche nostra scelta; poco importa. La mia terra dovrà imparare finalmente a difendersi dalle pugnalate di chi la calunnia, come dall'abbraccio mortale di chi dice di amarla perdutamente. Dedico questo lavoro alla memoria di Silvio, mio grande fratello. Carlo Muratori Armonicamente ho cercato di essere il. più leggero possibile, utilizzando spesso intervalli arcaici: la quinta vuota, l'ottava e ancora la quarta vuota. La scrittura è sostanzialmente contrappuntistica, essendo il contrappunto il solo procedimento capace di amalgamare il mèlos monodico inserendolo in un progetto sonoro più attento alla dimensione orizzontale della musica, evitando la schematizzazione in molteplici colonne accordali. Ma non il contrappunto puro, il contrappunto in cu ogni parte è pari alle altre; l'uguaglianza qui è posta soltanto come necessità: evitando cioè raddoppi inutili e rendendo ciascuna parte necessaria a tutto l'insieme polifonico.                                                                                                                                              Luciano Serra
1. Sta notti a lu mè Gesù	[ (download mp3) ]
2. Già è cunnannatu	[ (download mp3) ]
3. Venniri Santu
4. Affaccia Maria
5. E ssu un'ura di notti
6. Maria ittò 'na vuci
7. Ju sennu all'ortu
8. Chianci chianci Maria
9. Cristiani a lu Venniri chianciti
10. Lamientu
11.Quannu a munti Carvariu
12.La Matri Santa caminava
13.La Cruci si firmau
14.Arvulu siccu
15.A Gisuzzu lu pigghiaru
16.Passa passa Maria
STA NOTTI A LU MÈ GESÙ MI ‘NSUNNAI                      testo tradizionale di anonimo   Sta notti a lu mè Gesù mi ‘nsunnai                ccu li pedi ‘nchiuvati tutti e dui                A mia mi parsi piatusu assai                e cci spiavi: Miu Gesù ccu fui?                Iddu rispusi: Tu, ‘ngratu, nun lu sai?                Mi metti ‘n cruci e mi spii di chiui!                Subitu a facci ‘nterra mi ittai:                Mi pentu miu Gesù nun v’offennu chiui!.
È CUNNANNATO                        testo e musica tradizionali di anonimo                armonizzazione ed elaborazione di Carlo Muratori             Già è cunnannato il figlio                da li poteri squadre,           ed io l’affritta Madre                dov’è il figlio,dov’è il figlio mia dov’è.             O Madre onesta e pura                o Vergine purita           permetti ca ti dico                dov’è il figlio,dov’è il figlio mia dov’è.             Guarda la nuda croce                a te rivolge e dice           o cara genitrice                dov’è il figlio,dov’è il figlio mia dov’è.             Vedere un figlio Dio                chi palpita che more           si barbaru dolore                dov’è il figlio,dov’è il figlio mia dov’è.             Morir per manu dei barbari                morir trafitto in croce           chi pena che sei in croce                dov’è il figlio,dov’è il figlio mia dov’è.
VENNIRI SANTU MATINU MATINU                               testo tradizionale di anonimo                   Venniri santu matinu matinu                la Matri Santa si misi ‘n caminu                Ppi la via cci scuntrau S.Giuvannuzzu.                Cci dissi :                  “ Matri mia unnè ca iti? “                “ Figghiu,Giuvanni miu, lassimi iri,                  circannu vaiu lu me redenturi”                  Ahimè Giuvanni si vidia muriri                ccu li lacrimi all’ occhi ‘ndulurati                Ed ogni passu ‘n suspiru ittava :                  “ Matri matri binigna e chi v’ haiu a diri?                  Matri lu me Mastru fu pigghiatu,                  volinu li Judei fallu muriri                  ccu la turba lu portinu a Pilatu.”
AFFACCIA MARIA  testo e musica tradizionali di anonimo                armonizzazione ed elaborazione di Carlo Muratori              ‘Ffaccia affaccia Maria,tò figghiu passa                 ccu ‘na grossa catina su li brazza.             Chiamatimi a Giuvanni,o cca lu vogghiu                 quantu m’aiuta a cianciri a mè figghiu.             Di niuru portaccillu lu cummogghiu                 tu pirdisti lu mastru e iu lu figghiu.
E SSU UN’ URA DI NOTTI, INGRATU                   testo tradizionale di anonimo              E ssu un’ ura di notti,ingratu                facia la cena Giura misirannu,                e mentri Gesù la cena ia facennu                lu tradimentu s’ eva priparannu.                  E Gesù Cristu lu tuttu sapennu                la so morti si java avvicinannu                e a ddu uru li peri cci lavau                ed a tri uri Diu cci priricau.                  Ed a li quattr’ uri li cumunicau                ed a cinq’ uri all’ ortu si nni iu,                ed a sei uri un ancilu calau                ppi cunurtari a lu figghiu di Diu.                  Ed a sett’ uri la trumma sunau                prestu ccu li so manu s’ arrinniu                All’ ottu n’ appi un gran schiaffu spietatu                li novi fu di tutti martrattatu.                  A li reci ppi pazzu fu pigghiatu                Gesù Cristu di russu fu vistutu.                All’ unnici fu misu carzaratu                comu avissi piccatu cummittutu.                  Li rurici fu ‘ncasa di Pilatu                Tririci a na culonna fu abbattutu                fu ‘ncrunatu a li quattordici uri                di russu fu vistutu a quinnici uri.                  Li sirici si smossi un gran rumuri                dicennu : Crucifissinu l’ Ebrei.                La so cunnanna fu a diciasett’ uri,                ch’ era mortu e nun su sazii l’ Ebrei.                  Li riciarottu lu misiru ‘n cruci                ca detti a ccu piccau l’ eterna luci.                  Li riciannovi ch’ era ancora in cruci                virennu la so matri ‘n tanti affani                ch’ era misa a li peri di la cruci:                “Donna ppi figghiu ti lassu a Giuvanni.”                  E a li vinti priau lu patri duci                ca pirdunassi a tutti li tiranni                Acqua a li vint’ unura addimannau                appi feli ed acitu e trapassau.                  A li vintidu uri si nutau                fu mortu e na lanciata riciviu                a li vinti tri uri si livau                ddu santu corpu di la cruci, Diu.                    Mmrazza di la so matri arripusau                ch’ era mortu dicennu :” Figghiu miu!”                In seportura a li vinti quattr’ uri,                Maria cca n’ arristau ccu gran duluri.
MARIA ITTÒ ‘NA VUCI                       testo e musica tradizionali di anonimo                armonizzazione ed elaborazione di Carlo Muratori               Maria ittò ‘na vuci supra un scogghiu,                dicennu: "Mè riparu o miu cunsigghiu".             Dicennu :"Mè riparu o miu cunsigghiu"                Maria scuntrau ‘na putia nova.             Maria scuntrau ‘na putia nova                lu mastru d’ascia ‘na cruci facia.   La mastru d’ascia ‘na cruci facia                ccu tri rispuntatissimi tri chiova.             Ccu tri rispuntatissimi chiova                servunu ppi lu figghiu di Maria.             Servunu ppi lu figghiu di Maria                "Mè caru figghiu unni ti trovi ora?"             "Mè caru figghiu unni ti trovi ora?"               "A lu santu sepurcru Matri mia!"
JU SENNU ALL’ ORTU FUI NIGATU E OFFISU                  testo tradizionale di anonimo   Ju sennu all’ ortu fui nigatu e offisu               centu surdati purtavanu a mia                avia sudatu sangu lu me visu                mi ‘ntisi comu un’ orbu a la strania.                  E avanti ca gghiurnau la matina                appi seicentu e milli scurriati;                e ppi parrari tu matri mischina                ti martrattaru chidd’empi surdati.                Ccu setti mazzi di cordi ‘nfasciatu                setti voti cadivi ppi la via.                ‘N pedi iu nun putia stari dda matina                avia l’ ossa e li nervi sdillassati,                lu sangu mi scurreva d’ ogni vina,                avia li carni di sangu lavati.                  Tutta dda notti ca mi fragillaru                e l’ ossa di li spaddi mi nisceru                ni Anna e Caifassu mi purtaru                ppi tutta la cità mi cunnusceru.                  E ccu ‘n mantellu di sgarrata fina,                Pilatu m’ affacciau di li barcuna                mi misi ‘n manu na canna mischina                m’ ammuttaru e sputaru ddi briccuna.                  Poi Pilatu dissi a li Jurei : “Chi vi nni pari?                E’ quasi mortu lassamulu iri,                vita nun havi chiù nun pò campari.”                La trubba arrispunniu ccu granni ardiri :                  “No! Lu vulemu nui crucifiari.”                Tannu s’ arrinnuvaru li martiri,                e di novu mi vosiru pigghiari                e peju quannu m’ appiru ‘n putiri.
CHIANCI CHIANCI MARIA                      testo e musica tradizionali di anonimo                armonizzazione ed elaborazione di Carlo Muratori               Chianci chianci Maria, povira donna,                 chi havi lu figghiu sò a la cunnanna.              Cunnanna un’esti no, chi chiù nun torna,                 e in casa di Pilatu,’n casa torna.
CRISTIANI A LU VENNIRI CHIANCITI                    testo tradizionale di anonimo               Cristiani a lu Venniri chianciti                ca è ghiurnata di stari addulurati.                pirchì Cristu,vui tutti lu sapiti,                scunta a la cruci li nostri piccati.                  La Maronna addinucchiuni stava                avanti a lu crucifissu ca ciancia:                Gesù Cristu amurusu la guardava                e idda rispittusa cci dicia:                       “ Cristu esauda li me orazioni                       rivelami la santa Passioni”.                  Lu Crucifissu allura rispunniu                e ci cuntau li fragelli ca patiu.
U LAMIENTU testo e musica tradizionali di anonimo                armonizzazione ed elaborazione di Carlo Muratori                    Maria passau ri na strata nova                La porta ri ‘nfirraru aperta era (bis)                O bonu mastru chi sta fannu a st’ ura ?                Fazzu na lancia e tri puncenti ciova.                    O bonu mastru nun la fari a st’ ura                Ri nuovu ti la pagu la mastria                O bona ronna si ‘n la fazzu a st’ ura                Unni c’ è Gesù ci miettunu a mia.                    O bonu mastru mmi nni runi nuova                Unn’ è lu figghiu di Maria?                O bona ronna ti n ni rugnu nuova                Lu stissu sangu ti ‘mpara la via.
QUANNU A MUNTI CARVARIU JU ACCHIANAIU                  testo tradizionale di anonimo    Quannu a Munti Carvariu ju acchianaiu                era troppu pisanti la me cruci                gghicannu a menza via ju stancaiu                e cadiu ‘nterra ccu tutta la cruci.                  La faccia e li rinocchia mi scucciaiu                era troppu pisanti la me cruci;                na sula cosa a mia mi dispiaci                ca va chiancennu la me matri duci.                  Idda a li pedi di la cruci stava                lu sangu di lu figghiu stizziava                e ccu li carni d’ idda si juncia,                si quarchi vota l’ occhi poi jsava:                 “ Comu si figghiu amatu? “ cci dicia,                iddu rispunnia poi suspirava :                “ Aviti pacenzia Matri mia,                e poi lu Pararisu cci mustrava.”                  Quannu acchianai a lu munti Carvanu                mmenzu ddu latri nudu mi spugghiaru                e dopu ca a la cruci mi ‘n chiuvaru                d’ acitu e feli dda m’ abbriviranu.
QUANNU LA MATRI SANTA CAMINAVA testo e musica tradizionali di anonimo                armonizzazione ed elaborazione di Carlo Muratori        Quannu la Matri Santa caminava                lu ruci figghiu sò circannu ja.           Lu sangu santu la via ci ‘mparava                ca ppi li strati spargiutu l’avia.             Un pocu arrassu la trumma sunava.                Maria appressu a la trumma si nni ja.           Ha scuntratu na ronna ppi la strata,                idd’era la Vironica chiamata.             Maria si vota affritta e scunsulata :                "Tu ronna ha vistu a mò figghiu passari,           vistutu ccu na vesti travagghiata,                beddu ca nuddu ci pò assimigghiari?"             "Iu unu nn’haiu vistu ppi la strata,                unu ‘nciaiatu nni vosi ‘ncuntrari.           La facci ccu stu velu cci haiu stuiatu                e lu sò visu m’arristau stampatu.   Si tu canusci lu tò figghiu amatu,                talia stu velu ca a la testa portu."           Maria quannu lu velu ha ritaliatu                cunsiddirati vui lu scunfortu.             Lu santu velu ‘n manu tinia,                la santa passioni cuntimplava.           Cuntimplannu l’affritta Maria                un pocu arrassu la trumma sunava.
LA CRUCI SI FIRMAU AVANTI DI CRISTU                  testo tradizionale di anonimo   La cruci si firmau avanti di Cristu                e Cristu ccu la cruci cci ha parratu :              C.  Tu nun sai cruci quantu t’haiu amatu                Ju sennu picciutteddu nun sapia                supra ‘n cantiddu di muru assittatu                ca cca supra fineva l’ arma mia;                mentri già Cruci,cci sugnu arrivatu                muriri vogghiu abbrazzatu ccu tia.                Tu lu geniri umanu l’ hai sarvatu                e tu matri ci desti a Maria.              Cr. Signuri miu,dulcissimu Signuri,                vutati vuluntà,autru parrari;                ju vaiu a dari tantu di duluri?                Nun ci accunsentu nun lu vogghiu fari!                Judei ‘ngrati,crucificaturi,                ppi cruci mi vuleru fabbricari;                Ppi nun affenniri a Vui,nostru Signuri,                Ju ppi cravuni mi fazzu abbruciari.              C.  Cruci,ora ti cuntu lu trattatu                nun sai ca l’ omu ha cascatu all’ erruri,                ca all’ immagioni mia l’ avia criatu,                ora l’ha riscattari ccu duluri.                D’ un discipulu a essiri ‘ngannatu                d’ un discipulu ‘nfami e tradituri                di un autru dopu a essiri niatu                e haiu a moriri comu un marfatturi              Cr. Signuri,all’ omu la morti cummeni                muriri ‘n cruci e patiri turmenti,                muriri comu l’ omini tirreni,                ca disgraderu a li cumannamenti :                Lu Signuri di li celi veni,                puru,nnuccenti,senza  mancamentu                nun hata muriri Vui ntra tanti peni,                nun su digna ppi vui,nun cci accunsentu.              C.  Cruci,sempri ti cercu d’ abbrazzari                t’ amu e ti stimu e tu nun m i vo beni.            Cr. Signuri siti petra calamita.                e di Vui Gesù mi sentu tirata,                di na pirsuna divina chiamata.                Ma s’ accunsentu a la vostra partita                comu,Signuri,sarò ju adurata?              C.  Ju Crucifissu e tu cruci sarata,                munarca di li celi,auta rigina                scala di Pararisu addisiata                marteddu e di Lucifiru catina;                sarai sempri di l’ ancili adurata                avanti di la maistà divina                a tia lu celu e lu munnu s’ inchina.
ARVULU SICCU testo e musica tradizionali di anonimo                armonizzazione ed elaborazione di Carlo Muratori               Arvulu siccu.                      senza frutti e ciuri.            Lu nomu di la cruci                 avisti misu.            Pp’aviri ‘n brazza                 a lu mè Redenturi.            Tu eri un lignu                di tanta bascizza.           Ora si ghiuntu                a tanta dignità.
A GISUZZU LU PIGGHIARU                  testo tradizionale di anonimo                    A Gisuzzu lu pigghiaru                lu spugghiaru e l’ attaccaru                ccu sei mila vastunati                li so carni sfracillati.                  Re di jocu fu ‘n crunatu                ccu na canna sbrivugnatu                chi duluri ‘n testa prova?!                Foru spini comu chiova.                  A la morti è cunnannatu                comu ‘n latru scilliratu                e la cruci ‘ncoddu porta                nuddu c’ è ca lu cunforta.
PASSA PASSA MARIA testo e musica tradizionali di anonimo                armonizzazione ed elaborazione di Carlo Muratori              Passa, passa Maria di na strata nova,                         la porta d’un firraru aperta era.              "O caru mastru chi sta fannu a st’ura?"                 "Fazzu na lancia e tri puncenti chiova!".              "O caru mastru nun li stari a fari,                         di novu ti la pagu la mastria!"              "O cara donna nun lu pozzu fari,                 unni c’è Gesù  cci mettunu a mia!"